ბიუროს შექმნის საფუძველი მარტივი რწმენაა: საკუთარი უფლებების დაცვისას ადამიანი მარტო არ უნდა დარჩეს.
სასამართლოს გადაწყვეტილება, ხელშეკრულება თუ კომპანიის დასაფუძნებლად საჭირო დოკუმენტაცია შეიძლება ათეულობით გვერდს მოიცავდეს. ადამიანის კითხვა კი ხშირად ერთ წინადადებაში ეტევა — „ახლა რა უნდა გავაკეთო?
ბიუროს შექმნას წინ უძღოდა საქმეები და საუბრები, რომლებშიც ეს კითხვა სხვადასხვა ფორმით გვესმოდა. ერთ ადამიანს სურდა გაეგო, როგორ დაეცვა თავისი უფლება, მეორეს — როგორ განეკარგა ქონება, მესამეს კი — რა სამართლებრივი ფორმა შეერჩია კომპანიისთვის. აქედან გაჩნდა სურვილი, შეგვექმნა ბიურო, სადაც ადამიანს შეეძლებოდა თავისი ამბავი საკუთარი სიტყვებით მოეყოლა, გაეგო, რა არჩევანი ჰქონდა და მიეღო გადაწყვეტილება, რომლის შედეგებიც მისთვის გასაგები იქნებოდა.
ასეთი პასუხის გაცემას სიცხადეც სჭირდება და გულწრფელობაც. ზოგჯერ კლიენტისთვის ყველაზე მნიშვნელოვანი პასუხი იმის ახსნაა, თუ რატომ შეიძლება მისთვის სასურველ გზას ის შედეგი არ მოჰყვეს, რომელსაც ელის.
სწორედ ამ მიდგომის გარშემო შეიქმნა ლალი მინაშვილის საადვოკატო ბიურო, სადაც ქართული სამართლის ცოდნა ევროპულ სამართლებრივ განათლებასა და პროფესიული საქმიანობის მაღალ სტანდარტებს ერწყმის. ამ გამოცდილებას პრაქტიკული დანიშნულება აქვს — ადამიანს დავეხმაროთ, გაარკვიოს, რას იცავს კანონი მის კონკრეტულ ვითარებაში და რა სამართლებრივი საშუალებები აქვს საკუთარი უფლებებისა და თავისუფლებების დასაცავად, საკუთარი მიზნებისა და ინტერესების განსახორციელებლად.
ასე მიიღო ბიუროს სახე ხედვამ, რომელიც მისი დამფუძნებლის პროფესიულ გზაზე გაცილებით ადრე ჩამოყალიბდა.
