საერთაშორისო თანამშრომლობა მოითხოვს როგორც სამართლებრივი წესების, ისე იმ ინსტიტუციური გარემოს ცოდნას, რომელშიც სახელმწიფოები და საერთაშორისო ორგანიზაციები მოქმედებენ. ჩვენი ბიურო საჯარო უწყებებს, საერთაშორისო და არასამთავრობო ორგანიზაციებს სთავაზობს სამართლებრივ და ანალიტიკურ მხარდაჭერას საერთაშორისო ვალდებულებების შესრულების, გადაწყვეტილებების მომზადებისა და თანამშრომლობის პროცესში.
მომსახურების სფერო
მომსახურება მოიცავს:
- საერთაშორისო ხელშეკრულებებისა და თანამშრომლობის შეთანხმებების პროექტების მომზადებასა და სამართლებრივ შეფასებას
- სახელმწიფოს საერთაშორისო ვალდებულებებისა და პასუხისმგებლობის საკითხებზე სამართლებრივი მოსაზრებების მომზადებას
- საერთაშორისო ორგანიზაციების მანდატის, კომპეტენციისა და გადაწყვეტილებათა სამართლებრივი მნიშვნელობის ანალიზს
- საერთაშორისო ვალდებულებებთან ეროვნული კანონმდებლობის, პოლიტიკისა და ადმინისტრაციული პრაქტიკის შესაბამისობის შეფასებას
- საერთაშორისო ორგანიზაციებისთვის წარსადგენი ანგარიშების, პოზიციებისა და სხვა დოკუმენტების მომზადების მხარდაჭერას
- საერთაშორისო თანამშრომლობის პროექტების სამართლებრივ მხარდაჭერასა და მოლაპარაკებებისთვის არგუმენტაციის მომზადებას
ინდივიდუალური სამართლებრივი მიდგომა
ჩვენი მიდგომა ეფუძნება საერთაშორისო და ევროპული სამართლის ცოდნას, საერთაშორისო ორგანიზაციების მუშაობისა და სახელმწიფო ინსტიტუტების საქმიანობის გამოცდილებას. თითოეული დავალების ფარგლებში ვიკვლევთ შესაბამის სამართლებრივ წყაროებს, ინსტიტუციურ პროცედურებსა და შესაძლო შედეგებს. დამკვეთი იღებს დასაბუთებულ ანალიზს, პრაქტიკულ რეკომენდაციებსა და დოკუმენტურ მხარდაჭერას, რომელიც მის მანდატს, ამოცანებსა და გადაწყვეტილების მიღების საჭიროებებს შეესაბამება.
